For Online Shopping visit www.garvigurjari.in New tab
Gurjari

પ્રસ્તાવના

introduction_image

ગુજરાતમાં હસ્‍તકલા અને હાથશાળની ઓળખ પ્રસ્‍થાપિત કરવા, તેને ટકાવી રાખવા અને તેના વિકાસના મુખ્‍ય ઉદેશ સાથે ગુજરાત રાજય હાથશાળ અને હસ્‍તકલા વિકાસ નિગમ લિ. ગુજરાત સરકારના સાહસ તરીકે 1973 માં સ્‍થાપના કરવામાં આવી હતી. ગુજરાત રાજય હાથશાળ અને હસ્‍તકલા વિકાસ નિગમ લિ.ની શરૂઆત થવાથી હસ્‍તકલા અને હાથશાળ ઉત્‍પાદનનો વિકાસ શકય બન્‍યો છે અને ઉત્‍પાદનમાં વધુ સારી ઉપયોગી ગુણવત્તા અને હસ્‍તકલાની પરંપરાગત ગુણવત્તામાં કોઇ પણ પ્રકારનો ફેરફાર કર્યા સિવાય વર્તમાન વન પ્રણાલીને અનુરૂપ ડિઝાઇન સાધનો પુરા પાડવાની સતત પ્રક્રિયા હાથ ધરવામાં આવે છે. ગુજરાતના ગ્રામ્‍ય, શહેરી એટલું જ નહીં પણ અંતરિયાળ દુર્ગમ વિસ્‍તારોમાં રહેતા હજારો કારીગરો/ વણકરોને તાલીમ અને ડિઝાઈન વિકાસની જુદી જુદી યોજનાઓ નીચે આવરી લેવામાં આવ્‍યા છે. તેમના ઉત્‍પાદનોએ માત્ર દેશમાં જ નહીં પણ દરિયાપારના પણ દેશોમાં ખ્‍યાતિ મેળવી છે.

introduction_image

અમારી પ્રવૃત્તિઓ, ભારતના અર્થતંત્રમાં બીન ખેતી વિભાગમાં આવતા હાથશાળ અને હસ્‍ત કલાના ક્ષેત્રોમાં કામ કરતા કારીગરોને લાંબાગાળાની રોજગારીની તકો નિર્માણ કરવામાં અને આવકમાં વૃદ્ધિ કરવામાં મદદ કરે છે. આવા કારીગરો/વણકરોને બજારની વિશાળ વેચાણ કેન્‍દ્રોની શ્રૃંખલાના માધ્‍યમથી વેચાણ કરે છે અને નિકાસકારોને પુરૂ પાડે છે જેના ધ્‍વારા દરિયાપારના દેશોમાં તેનું બજાર ઉભું થયું છે. ગુજરાત પાસે કલાની વિવિધ જાતોનો પુષ્‍કળ ખજાનો છે. તેના ભરતકામ, મોતીકામ, લાકડામાંથી બનાવેલ વસ્‍તુઓ, છાપણી અને કાપડવણાટ, માટીના વાસણો અને આદિવાસી કલામાં લોકસંગીત અને ઉત્‍સવોનું પ્રતિબિંબિત થાય છે. કારીગરોની કલાની અને વણાટની આ વિશાળ શ્રેણી સામાજિક અને સાંસ્‍કૃતિક જે તે પ્રદેશની પરંપરાની રંગછાંટથી ભરપૂર કુદરતી અને કલાત્‍મક છે. આજે, કારીગરની ઝુંપડી કે ગામડામાંથી, હવે આ હસ્‍તકલાના નમૂનાઓ દેશ અને વિદેશ એમ બન્ને સ્‍થળે ધનિકના ઘર અને પાંચ તારક હોટેલો શોભાવે છે.